Wednesday, April 6, 2011

Долоон зуун хїнийг шашинд оруулав


Тэр цагт сартагчин аягачин, булаагчин гурван зуун хар иргэн Журын гэрийн ойр эм, хүүхэдтэй авлаж ирэв. Жур түүнийг хувилгаанаар мэдээд нэгэн хувилгаандаа алтан хэнхдэгтэй, мєнгєн бєгстэй, дун цагаа хумстай хүрнэ болгон наадаж гайхуулж угтан хүрэв. Тэр гурван зуун иргэн авлахаа байж хүрнийг үзэж гайхалдаж харж байв. Наран шингэхэд Жур хүрнийгээ аваар харьж ирэв. Гурван зуун иргэн тэнд хонов. Үдэш нэг хүн ирж хэлэв. “Манай нэг баахан авхай билээ. Хүрнээ өгөөч, наадуулаад өгье” гэв. “Хүрнийг минь алдвал гурван зуун агтаа өгөх буюу та?” гэв. “Өгье” гэв. “Чи сайдаасаа асууж хэлэх хүн буюу чи? Санаагаар хэлэх хүн буюу чи? Очиж асууж ир” гэв. Тэр хүн асууж ирэв. “Өгье гээд авч ир” гэв. Тэр хүн бас ирэв. “Хүрнийг чинь алдвал агт өгье гэнэ” гэв. “Хүрний минь алдуузай. Хичээ” гэв. “Тэр хүрнээр хүүхэд нь нар шингэх цаг болтол наадаад тогооны дор хөмөрч тавив. Хүрнэ нь газар ухаад” эзэндээ шөнө харьж ирэв. Жур маргааш өглөөгүүр босон очив. “Хүрнийг минь өг” гэв. Тогоогоо татаж үзвээс хүрнэ үгүй. “Хүрнэ чинь газар хөндийлж гарч явсан байна” гэв. “Хүрнэ угаасаа дээр тэнгэрээс буудаггүй, газраар явдгийг мэдсээр байж намайг шоглож өгөхгүй байна. Мэлзээний ёсоор гурван зуун агтыг өг” гэв. “Манай гуван зуун агтыг авах эрийг эр чи мөн байна" гээд (дутааж хавцал замаар нүүв) Жур хойноос нь явган дагав. Хоёр их єндєр уулын хооронд орж явтал Жур наад єндєр уулын оргил дээр гүйж гарав. Нэг их хадыг огло татаж авав. Тэр хадаар цаад уулын оргилыг цохи. Цаад өндєр уулыг өргєж хєдєлгєхєд наад уул бас хєдлєв. Хоёр уулыг өргөе хєдєлгєж байхад тэр уулын чулуу доор гурван зуун хүний морь биеийг цохиж байв. Нааша Журын зүг дутаавал бас мєн урьд ёсоор унагаж байв. “За, хайрхан богд, алахын муугаар алах нь, Чи ямар зарлиг болгонмо? Чиний зарлигаар болъё бид” гэв. “Над зарлиггүй биш үү. Хүрнийг минь өг” гэв. “Хүрнэ чинь үгүй болжээ. Чиний зарлигаар болъё” гэв. Миний зарлигаар болох болбол сахал үсээ ав. Ном шашинд ор. Бацаг сахил ав. Гэв. Эр эмгүй булт ирж сахал үсээ бүгд авав. Тэднийг ном шашинд оруулаад гурван зуун агтыг аваад харьж ирэв, Гэсэр.


3 comments:

  1. Geseriig tsuvralaar oruulj bgaa yumaa daa
    Zov zov

    ReplyDelete
  2. Уншиж байгаан уншингаа оруулах юм бол сонирхолтой санагдаад бас ойлгоход илүү хялбар кк

    ReplyDelete