Бараг бүх компани ажилчдын хоол унааны зардал, конторын хангамжийн зүйлс гэх мэт олон тооны зүйлсэд бага хэмжээний мөнгө төлөх шаардлагатай байдаг.
Иймд үнийн дүн багатай жижиг төлбөрт тэр болгон чек бичих нь цаг хугацаа зардал их гардаг учраас компаниуд нь бага хэмжээний төлбөрт зориулан гар дээр бэлэн мөнгө байлгадаг. Энэ мөнгийг жижиг мөнгөн сан гэнэ. Жижиг мөнгөн санг зөвхөн үнийн дүн багатай, жижиг зардлуудыг төлөхөд зарцуулах ба жижиг мөнгөн сангийн хэмжээг байгууллагын удирдлагаас тогтоож өгдөг. Жижиг мөнгөн сангийн бүртгэл нь дараах байдлаар хийгдэнэ.
1. Жижиг мөнгөн сан байгуулах үрьдчилан тогтоосон хэмжээгээр уг санг байгуулж тодорхой няравт хариуцуулж өгнө.
Жишээ нь: Компани 1 сарын 1-нд 1500,000₮ жижиг мөнгөн санг байгуулсан.
Дт Жижиг мөнгөн сан 1500,000
Кт Касс/ харилцах 1500,000
2. Жижиг мөнгөн сангаас зардал гарах үед ямар нэгэн бүртгэл хөтлөхгүй бөгөөд зөвхөн зардлыг баримт бүрдүүлж сангийн үлдэгдлийг бүрэн бүтэн байлгах үүргийг нярав хариуцана.
3. Жижиг мөнгөн санг дүүргэх. Сар эсвэл 7 хоногын эцэст жижиг мөнгөн сан дахь мөнгө дуусах дөхсөн үёд нярав холбогдох зардлын баримтуудыг хавсарган санг нөхөн дүүргэх хүсэлтийг нягтланд гаргана. Баримтуудыг үндэслэн нягтлан бодогч дараах журналын бичэлт хийн санг нөхөн дүүргэж зарцуулсан мөнгийг няравт дахин олгоно.
Жишээ нь: Сар бүрийн 14-нд жижиг мөнгөн санг нөхөн дүүргэнэ. 1-р сард жижиг мөнгөн сангаас дараах зардлууд гарав
Дт Ажилчдын хоол унааны зардал 500,000
Дт Бичиг хэргийн зардал 100,000
Дт Бензин шатахууны зардал 400,000
Дт Шуудангийн зардал ба бусад зардал 400,000
Кт Касс/ харилцах 1400,000
4. Жижиг мөнгөн сан нь байвал зохих үлдэгдлээсэй зөрсөн бол байвал зохих үлдэгдлийг гаргахдаа жижиг мөнгөн сангийн хэмжээнээс холбогдох баримтуудын дүнг хасдаг. Энэ байвал зохих дүн нь жижиг мөнгөн сан нь тооллогоор үлдэгдлийн дүнгээс зөрж болно. Энэ зөрсөн дүн жижиг мөнгөн санг нөхөн дүүргэх үед мөнгөний илүүдэл ба дутагдал дансны кт ,дт бүртгэнэ.
Жишээ нь: Компанийн жижиг мөнгөн санг нөхөн дүүргэх үед баримтаар нотлогдох зардал нь 1400,000₮ сангийн тооллогоор үлдэгдэл 100,000₮ байв.
Дт Холбогдох зардал 1400,000
Дт Мөнгөн илүүдэл ба дутагдал 100,000
Кт Касс/ харилцах 1500,000
Мөнгөн илүүдэл ба дутагдлын эзэн нь тогтоогдоогүй тохиолдолд санхүүгийн тайлан гаргах үед орлогын тайлангийн бусад орлого эсвэл бусад зардал дансанд хаана.
Дт Бусад зардал 100,000
Кт Мөнгөн илүүдэл ба дутагдал 100,000
Хэрэв дутагдлын эзэн нь тогтоогдсон гэвэл
Дт Авлага 100,000
Кт Мөнгөн илүүдэл ба дутагдал 100,000
5. Жижиг мөнгөн сангийн хэмжээг өөрчлөх хэрэв байгууллагын удирдлага жижиг мөнгөн сангын тогтоосон хэмжээ их байна гэж үзвэл жижиг мөнгөн сангийн кт-ийг бууруулна.
Жишээ нь: Байгууллага жижиг мөнгөн сангийн хэмжээг их байна гэж үзэн 500,000₮ болгохоор шийдсэн.
Кд Касс/ харилцах 500,000
Кт Жижиг мөнгөн сан 500,000
No comments:
Post a Comment